सिरहामा मेयर चढ्ने गाडीले ठक्कर दिँदा एक जना गम्भीर घाइते

स्टार खबर
सिरहा-श्रावण १३

सिरहा जिल्लाको कर्जन्हा नगरपालिकाका मेयर चढ्ने गाडीले ठक्कर दिँदा एक जना गम्भीर घाइते भएका छन् । पूर्व-पश्चिम राजमार्गअन्तर्गत मिर्चैया नगरपालिका- २ स्थित मल्हनियाँ चोकमा नगरप्रमुख गंगा पासवान चढ्ने स्कोरपियोले एक मोटरसाइकललाई ठक्कर दिएको छ । मंगलबार राति करिब १०.४५ बजे तिर पूर्वबाट पश्चिमतर्फ गइरहेको ना१झ १६३९ नम्बरको स्कोरपियोले विपरीत दिशातर्फ आउँदै गरेको स ९ प ८०४ नम्बरको मोटरसाइकललाई ठक्कर दिदा कल्याणपुर नगरपालिका वडा नं.१० काैरनियाही निवासी अमरेन्द्र मण्डल गम्भीर घाइते भएका छन् ।
घाइते अमरेन्द्र मण्डलकाे टाउकोमा चोट लागेको छ भने दुवै हात र एउटा खुट्टाको हड्डी ‘फ्याक्चर’ भएको छ । मण्डलको अहिले मिर्चैयास्थित मंगलम हस्पिटल प्र.लि.मा उपचार भइरहेको इलाका प्रहरी कार्यालय मिर्चैयाका डीएसपी राजेन्द्र श्रेष्ठले जानकारी दिए।

सम्बन्धित खबर

सानाकिसान कृषि सहकारी संस्था बिष्णुपुर द्वारा निःशुल्क आँखा शिविर सञ्चालन हुँदै

प्रधानमन्त्रीलाई गाली गरेर कन्टेन्ट बनाएको आरोपमा युट्युबर पक्राउ

सार्वजनिक जग्गा र सडक अतिक्रमण हटाउन विष्णुपुर गाउँपालिकाको १५ दिने अल्टिमेटम