सिरहा:मिर्चैयामा अनियन्त्रित ट्र्याक्टरको ठक्कर, चार मोटरसाइकलमा क्षति

बैशाख -२८ सिरहा।
स्टार खबर।
सिरहा जिल्लाको मिर्चैया नगरपालिका–५ स्थित थानाचोकमा तीव्र गतिमा आएको एक अनियन्त्रित ट्र्याक्टर सैलुन पसलमा ठोक्किँदा चार वटा मोटरसाइकलमा क्षति पुगेको छ।

दुर्घटना आइतबार दिउँसो ज १ त ३५२३ नम्बरको ट्र्याक्टरले मिर्चैया नगरपालिका–५ मा रहेको पूजा हेयर कटिङ सैलुन अगाडि पार्किङ गरी राखिएका मोटरसाइकलमा ठक्कर दिँदै सैलुनको अगाडिपट्टिको पिलरमा ठोक्किएर रोकिएको प्रहरीले जनाएको छ।

प्रहरीका अनुसार ट्र्याक्टरको ठक्करबाट स ५ प ७३६४, स ७ प ४६८, म.प्र.०१-००४ प ४०८७ र स ३ प ७३०६ नम्बरका चार वटा मोटरसाइकलमा सामान्य क्षति पुगेको छ। तीमध्ये एक मोटरसाइकल सैलुनमा कपाल कटाउन आएका ग्राहकको रहेको बताइएको छ।

दुर्घटनाबाट कुनै मानवीय क्षति नभएको जनाइएको छ भने ट्र्याक्टर र चालकलाई नियन्त्रणमा लिई थप अनुसन्धान अघि बढाइएको इलाका प्रहरी कार्यालय मिर्चैयाले जनाएको छ।

सम्बन्धित खबर

सानाकिसान कृषि सहकारी संस्था बिष्णुपुर द्वारा निःशुल्क आँखा शिविर सञ्चालन हुँदै

प्रधानमन्त्रीलाई गाली गरेर कन्टेन्ट बनाएको आरोपमा युट्युबर पक्राउ

सार्वजनिक जग्गा र सडक अतिक्रमण हटाउन विष्णुपुर गाउँपालिकाको १५ दिने अल्टिमेटम