गोलबजार पशुपति पेट्रोल पम्पमा दुर्व्यवहार : क्युआर पेमेन्ट माग्दा ग्राहक माथि हातपात

सिरहा,१ अषाढ।
स्टार खबर।

सिरहाको गोलबजार नगरपालिका वडा नम्बर–४ स्थित पशुपति पेट्रोल पम्पमा क्युआरमार्फत पेमेन्ट गर्न खोज्दा ग्राहकमाथि हातपात भएको छ।

हिजो गोलबजार नगरपालिका वडा नम्बर–४ निवासी अरुण कुमार महतो (साह)ले पेट्रोल पम्पमा गाडीको ट्याङ्कीमा इन्धन हालिसकेपछि डिजिटल पेमेन्टका लागि क्युआर माग्दा सञ्चालक अनिल साहले दुर्व्यवहार गर्दै हातपात गरेको बताएका छन्।संचालक साह गोलबजार खानेपानीका उपा-अध्यक्ष समेत हुन ।

बिष्णुपुर ब्रह्मपुरीतर्फ जाँदै गरेका महतो गाडीमा इन्धन सकिएकाले पशुपति पेट्रोल पम्प पुगेका थिए। उनले गाडीमा १ हजार रुपैयाँको फ्युल हाल्न अनुरोध गरे। इन्धन हालिसकेपछि भुक्तानीका लागि क्युआर माग्दा प्रारम्भमा क्युआर छैन, भनिएको र पछि भित्र छ,भन्दै पेमेन्ट गर्न लगाइएको बताए।

महतोले भने,मैले क्युआर अगाडि नै राख्दा सजिलो हुन्छ भनेको मात्र थिएँ ।त्यति भनिसकेपछि सञ्चालक अनिल साह आएर ‘के बोलिस?’ भन्दै मेरो कालर समाते र हातपात गरे।

महतोका अनुसार, साहले गाली गर्दै भनेका थिए, त जस्तो मान्छेलाई फ्युल दिंदिन। पाँच हजार भन्दा बढीको फ्युल लिनेहरूलाई मात्र क्युआर दिन्छु। तेरो गाडीको ढकन खोलेर चाकरी गर्ने ब्यक्ती म होइन।

दैनिक उपभोक्ताले सहज सेवा पाउने उद्देश्यले सरकारले डिजिटल पेमेन्टलाई प्रवर्द्धन गरिरहेको अवस्थामा उपभोक्तासँग यस्ता अमर्यादित व्यवहार हुनु गम्भीर विषय भएको महतोको भनाइ छ ।

उनले घटनाप्रति असन्तुष्टि जनाउँदै कानुनी उपचारको बाटो खोज्ने बताएका छन्। म अहिले उजुरी दिने तयारीमा छु, छलफल मार्फत टुङ्गयाउन दवाव आउदै छ,बुधवार छलफलको समय तोक्यो,छलफलमा मार्फत निष्क्रस निसकिएन भने, प्रहरीमा जाहेरी दिने महतोले बताए।

यता,पशुपति पेट्रोल पम्पका संचालक अनिल साहसंग सम्पर्क गर्दा फोनमा के भनु ,भेटेरै कुरा गरौला भन्ने प्रतिक्रिया दिए ।

पशुपति पेट्रोल पम्पको यो पहिलो घटना होइन,कहिले इनधनको मूल्य कम हुदा पनि ग्राहकलाई पुरानै मुल्यमा इन्धन दिने,कहिले इन्धन कम दिने गरेका घटनाहरु सर्वजानिक हुँदै आएका छ्न ।

स्थानीय प्रशासन र सम्बन्धित निकायले यस्ता दुर्व्यवहार नियन्त्रण गर्न आवश्यक कदम चाल्नुपर्ने माग उपभोक्ताबाट उठ्न थालेको छ।

सम्बन्धित खबर

सानाकिसान कृषि सहकारी संस्था बिष्णुपुर द्वारा निःशुल्क आँखा शिविर सञ्चालन हुँदै

प्रधानमन्त्रीलाई गाली गरेर कन्टेन्ट बनाएको आरोपमा युट्युबर पक्राउ

सार्वजनिक जग्गा र सडक अतिक्रमण हटाउन विष्णुपुर गाउँपालिकाको १५ दिने अल्टिमेटम