गोलबजारमा १६ ग्रामभन्दा बढी ब्राउन सुगरसहित दुई युवक पक्राउ

सिराहा,  २२ भदौ।
स्टार खबर।

सिरहा प्रहरीले गोलबजारबाट १६ ग्रामभन्दाबढी प्रतिवन्धित लागुपदार्थ ब्राउन सुगरसहित दुई युवकलाई नियन्त्रणमा लिएको छ।
विशेष सूचनाको आधारमा प्रहरीले पूर्व–पश्चिम राजमार्ग अन्तर्गत गोलबजार नगरपालिका ३ गागनखोलाबाट १६ ग्राम १ सय मिलिग्राम ब्राउन सुगरसहित शुक्रवार राति नियन्त्रणमा लिएको हो। 
स. ७ प २५९५ नम्बरको मोटरसाइकलमा सवार गोलबाजर नगरपालिका १ बल्डडाका २२ वर्षीय दिप कुमार यादव र नरहा गाउँपालिका ५ का ३० वर्षीय ईन्द्रजित कुमार यादवलाई उक्त परिमाणको ब्राउन सुगरसहित पक्राउ गरेको प्रहरी स्रोतले जनाएको छ।
इलाका प्रहरी कार्यालय गोलबजार र लागूऔषध नियन्त्रण ब्यूरो शाखा कार्यालय गोलबजारबाट खटिएको प्रहरीले कसहाबाट गोलबजारतर्फ आउँदै गरेको अवस्थामा पक्राउ गरेको जनाएको छ।

सम्बन्धित खबर

सानाकिसान कृषि सहकारी संस्था बिष्णुपुर द्वारा निःशुल्क आँखा शिविर सञ्चालन हुँदै

प्रधानमन्त्रीलाई गाली गरेर कन्टेन्ट बनाएको आरोपमा युट्युबर पक्राउ

सार्वजनिक जग्गा र सडक अतिक्रमण हटाउन विष्णुपुर गाउँपालिकाको १५ दिने अल्टिमेटम